Hans Enoksen akunnattumik nuannarineqarpoq
novembarip 27-at 2006 07:33
Naalakkersuisut siulittaasuat Hans Enoksen 1-imiit 10-imut nalilersorneqarnerani agguaqatigiissillugu 4,8 pointinnappoq.
Sermitsiap HS Analysellu qinersisartunik isumasiuisimanerata tamanna paasinarsisippaa.
4,8-mik nalilerneqarnermigut Hans Enoksen akunnattumiit appasinnerulaartumut angusaqarpoq.
Misissuineruttaaq ersersippaa Hans Enoksenip nuannarineqarnera angutininngaanneernerulluni, arnaninngaanniinnginnerusoq, taama Sermitsiaq allaaserisaqarpoq.
Nunatsinni inunngorsimasunit, nunaqarfimmiunit, kiisalu Siumukkunnit illersuisunit nuannarineqarnerusoq misissuineruttaaq paasinarsisippaa.
Hans Enoksenip aalisartunut marlunnut eqqunngitsumik pisassiisimanerarneqarnerata pinngilaataani misissuineq suliarineqarpoq.
