Hamid Karzai Afghanistanimi eqqisseqatigiisitserusuppoq

Afghanistanimi eqqisseqatigiittoqarnissaa anguniarlugu sakkutuut sorsukkumatuut, Talebanikkut, præsident Hamid Karzai-ip, isumaqatiginiarnialerpai. Nutaarsiassaqartitsivimmi AP-mi taama allaaserinnittoqarpoq.
septembarip 30-at 2008 12:24

Eqisseqatigiinnissamik Karzai-ip kaammattuutaa takkuppoq, muslimit qaammammi ataatsimi iisinnginniarnerat, Ramadane-mik taaneqartartoq, naammassisorlu. Akeqqat eqqisseqatiginissaat saammaateqatiginissaallu iisinnginniarnermi anguniarneqartarpoq.

Afghanistanimi akerleriissuteqarnerup unitsinneqarnissaa pillugu præsident Karzai-p Saudi-Arabiami kunngi ikiortiserisimavaa.

Talebanikkut suli isumaqatiginiarneqanngillat, afghanistanimili atorfillit isumaqatigiinniarnissanut piareersariartorlutik Saudi-Arabiamut Pakistanimullu aallareerput.

Karzai oqarpoq, sakkutuut sakkulersoqqinnginnissaat nammineq naalakkersuisumi anguniarumaaraat, Talebanikkullu pisortaat, Mullah Omar, nunaminut angerlarnissaanik kaammattorneqarumaartoq.

Neriorsuutigaattaaq Mullah Omar isumaqatigiinniarnernut takkutissagaluarpat USA-mut Nunallu Killiit Illersoqatigiiffiannut, NATO-mut, illersorumaarini.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq