Hamas sioorasaarivoq
- Inuiattut tiguarneqarsimasutut tiguaasitsinnut suut tamaasa atorlugit imminut illersornissarput pisinnaatitaaffigaarput, matumani imminut toqoriaatigaluni qaartitsisarnerit atorlugit saassussinerit, Hamasip siuttua Ayman Taha oqarpoq.
Taamatut oqaaseqarpoq, qaammatini arfinilinni sakkuaatinnginnissamik isumaqatigiissut tallimanngormat qaangiuttorlu.
...
Russit inatsisartuini amerlanerussuteqarluartut inatsisinik tunngaviusunik allanngortitsinissaq akuersaarpaat, taamaalilluni præsidentip qinigaaffia ukiunik sisamanik sivisussuseqartaraluartoq ukiunut arfinilinnut sivitsorneqartussanngorpoq.
...
Thailandimiut kunngiata naalakkersuisut nutaat ministeriunermit Abhisit Vejjajiva-mit siulersorneqartut ullumi atuuttussanngortippai. Tamatumunnga peqatigitillugu kunngip ministerit, qaammatini marlunni eqqissiviilliorneq unitseqqullugu qinnuigai.
...
Italiami oqartussaasut ukiormanna illut pigisallu nalillit mafiamit 30 milliardit koruuninik nalillit arsaarinnissutigisimavaat. Italiami naalagaaffimmi pissutsinut ministeri ullumi taama ilisimatitsivoq. Arsaarinnissutit 2007-imut naleqqiullugit pingasoriaammik amerlanerusut aamma oqaatigineqarpoq. Ministerip ilanngullugu oqaatigaa, arsaarinnissutigineqartut nalillit mafiat ilaqutaannit kingornunneqarsinnaajunnaartut. Soorlu illut kommunini oqartussanut tunniunneqassasut oqaatigalugu.
