Hamas Pælæstinamiullu isumaqatiginniarnerat unippoq
Palæstinamiut præsidentiata, Mahmoud Abbasip, ullumi nalunaarutigaa Hamasikkullu naalakkersuisooqatigiinniarlutik isumaqatigiinniarnitik isasoorsimasut.
Taamatut nalunaarnini iluatsillugu nutaamik naalakkersuisooqatigiilersussanik pilersitsinissaq kajumissaarutigaa. Hamasikkut Fatah-kkullu akersuuttarneri, inuit qulit inuunerinik maannamut naleqareersut, unitsinneqarnissaat pisariaqarpoq.
- Oqaloqatigiikkunnaavippugut, Mahmoud Abbas Bahrainimilu nunanut allanut ministeri, Sheikh Khalid bin Ahmed Al-Khalifa peqatigalugu tusagassiortunik katersortitsinermini taama oqarpoq.
Amerikamiut nutaarsiassaqartitsiviat AP taama tusarliussivoq.
Illuatungeriit septembarip aqqarnanni naalakkersuisooqatigiinniarlutik isumaqatigiissutaagallartumik atsioqatigiipput, isumaqatigiissutaagallartorli maanna atorunnaarsinneqarsimasoq Mahmoud Abbasip erseqqissarpaa.