Hamas-it Fatah-llu akerleriittuarput
Palæstinamiut præsidentiata sakkulersortartullu Hamas-it isumaqatigiinnginnerat pitsaanerulinngilaq, ullumikkut Palæstina-mi parlamentinngorlaami præsidenti ammaanersiornermi oqalugiarmat.
Præsidentip Abbas-ip oqalugiaammini oqarpoq eqqissinissaq anguniarlugu Israel-imik isumaqateqarsimaneq ingerlatiinnarneqassasoq. Naalakkersuisooqatigilersinnaanermi sakkulersortartut Hamas-it aamma taaneqanngillat
Hamas-it sakkuerunnissaat nunarsuarmioqataasunit piumaffigineqarput, aammalu Israel-imik akuersaarnerulernissaat piumasarineqarluni, tamannali Hamas-it tusaajumanngilaat.
Præsident Abbas-i oqalugiareermat, parteeqataasa Fatah-t ersaartaappaat, illuatungiliuttuili Hamas-iusut ersaartaannatik.
Palæstinamiut premierministerissaattut naatsorsuutigineqartoq, Ismail Haniya oqarpoq Abbas-ip Hamas-illu politikkii assigiinngikkaluaqisut, isumaqatigiinngissutaajumaartussat oqaloqatigiinnikkut aaqqinniarneqarumaartut.
