Hamas-ikkut aqutsisuisa nuimanerit ilaat toqutaavoq

Palæstiinamiut ingasattajaarniartortaasa Hamas-ikkut pisortaata Nizar Rayyan-ip illu najugarisaa Israel-imiunit qaartartunik ullumi saassunneqarmat, Nizar toqutaavoq.

Nizar Rayyan siornatigut kajumissaarivoq Israel-imi imminut toquutigaluni qaartartumeerinninnerit aallarteqqinneqarnissaannik.

Isumannaallisaanermik suliaqartut tusarfiit aallavigalugit Nizar Rayyan Palæstiinamiut ingasattajaarniartortaasa Hamas-ikkut aqutsisuini qaffasinnerpaat ilaat qaartartumeerinninnikkut toqutaasoq.

Israel ullut arfinillissaanni Gaza-mi saassussivoq, Gaza-milu eqqissiviilliornerit aallarteqqinneqarsimasut Israel-imiut sakkutuuvisa nalunaarutigaat.

Israel-imiut timmisartui ullaaq Gaza-mi saassussimmata Hamas-ip ministereqarfii arlalallit inatsisartunullu ataatsimiittarfiat aserorneqarput, ritzau nalunaarpoq.