Halibut Greenland ukiumi ataasiinnarmi

Aalisartut aningaasaliissutaat pisortallu aningaasaataat siuliani naalakkersuisut kukkunerannit eqqugaasinnaapput. Siuliani Naalakkersuisut qalerallit nungutsaaliornissaat sumiginnaannarsimanngilaat aammali namminneq inatsisiliatik unioqqutissimavaat, maannakkut aalisarnermut Naalakkersuisuusoq Ane Hansen oqarpoq. Taamaammat Halibut Greenlandip ingerlatsinissaminut akuersissut pissarsiaa ukiumi ataasiinnarmi atorsinnaasoq, Ane Hansenip erseqqissaatigaa, ilanngullugu oqaatigalugu Halibut Greenland ingerlaqqissappat inatsisit allanngorteqqaartariaqassasut.

Halibut Greenlandimi siulersuisuni ilaasortap Jens Immanuelsenip tamanna ernumanartoqarsorinngilaa.

- Aalisarnermut inatsisissaq maannakkut eqqartorneqalereerpoq taamaattumik siunissaq eqqarsaatigalugu taartuinnarmik eqqarsarnissaq pisariaqanngilaq tunngavissaqarnanilu, Jens Emanuelsen oqarpoq.

Taassuma erseqqissaatigaa Halibut Greenlandip naalakkersuisut siuliisa piumasaqaataat naammassisimagai. Taakkualu unioqqutitsisimappata unioqqutitsiiniaannarsimanavianngitsut qularinagu.

Naalakkersuisut siuliisa qaleraleqassusaa navianartorsiortiinnarnagu Upernavik Seafoodip ingerlataata eqqaani tunitsivileeqqusaannginnermik isumaqatigiissut unioqqutissimavaat.