Halibut Greenland Ilulissani tunisassiorfiliorpoq
- Kiisami pilluta pilluta bankip akuersinninneratigut tunisassiorfissaq iluatsippoq. Fabrikki 20 x 40 miiterinik angissuseqassaaq. Ullormut tunisassiarineqarsinnaassaapput 25 tonsit missaat, Halibut Greenlandimi pisortaq Daniel Skifte oqarpoq.
Aalisartut piginneqataasut 55-siupput kisianni aamma aalisartut kikkulluunniit tunisisinnaassasut Daniel Skiftep oqaatiga, kisianni:
- Aalisartut piginnittut pisussaapput fabrikkiutertik pilersussallugu.
Halibut Greenlandip suliffissuassaa, Royal Greenlandip suliffissuata akerluinnaaniippoq, unammilleqatigiinneq pilernerluni?
- Oqarusunngilanga Royal Greenlandimut unammillerluta. Kisianni aalisartut qatsussimavaat Royal Greenlandimit akiluttorfigineqarnertik. Uagut akigititassavut qaffasinnerulaarput, kisianni oqaatigissanngilara qanoq.
Suliffissuassaq augustusip sisamaani naammassisangatinneqarpoq, Daniel Skiftep oqaatigerusunngilaa qanoq akeqassanersoq. Qularinngilaali qalerallit akii pitsaanerulissasut.
