Ritzau Nunanit allanit

VIDEO Haitimi ulussaarsuaqarnissaanut piareersartut

Ulussaarsuaq Matthewimik taaguuserneqarsimasoq Haitip tungaanut ingerlaarpoq, sakkortuupilussuuneralu silasiortunit maannangaaq mianersoqqussutigineqarpoq.

Allattoq Ritzau

oktobarip 04-at 2016 06:54

Nutserisoq Simon Uldum -

Ulussaarsuit Haitimi sungiusimaneqarput, ulussaarsuaqarnissaanullu maanna aamma nunami piareersaleruttorput.

Ulussaarsuaq Matthewimik taaguuserneqarsimavoq maannalu Haitip tungaanut ingerlaarluni. Nunami oqartussaasut innuttaasunik maanna qimagussortitsileruttorput.

Nunap ilaani eqqugaanerpaajusussatut ilimagineqartumi innuttaasut katillugit 30.000-iupput, taakkulu ulussaarsuup takkutinnginerani qimagussortinneqartussaassapput.

Ulussaarsuaq akunnermut kilometerinik 220-nik sukkassuseqassangatsinneqarpoq siallerujussuarnissaalu aamma naatsorsuutigineqarluni. Taamaammat aamma qarsutsinersuaqarnissaa nunallu sisoorsinnaanera mianersoqqussutigineqarpoq.

Haiti USA-mi nunani piitsuunerpaat ilaanniippoq, inuuniarnikkullu atukkat ajoreermata pinngortitami ajunaarnersuaqartarnera ajornartorsiuterpassuarnik pilersitsisarpoq.

AP/RITZAU

Illit isummat pingaartittaqaarput. Nutaarsiassaq pillugu isorisat nersualaarinerillu uani tikilluaqquagut.