Haitimi sialuk takkutiaarpoq

Sialussuarmat nuna sisoorpoq, illullu, nunap qaammat kingulleq sajunneranit qajannarsisimaqisut, nakkakaapput. Danmarkip Radioata nittartagaani tamanna atuarneqarsinnaavoq.

- Siallertarfiup piffissaq eqqorlugu takkutivinnissaa kikkut tamarmik neriuutigaat, inuimmi 1½ millionit nunap sajorujussuarnerata kingorna angerlarsimaffeqanngillat, Naalagaaffiit Peqatigiinneersoq oqarpoq.

- Asiap kujataani kangisissuani tassaarsuallarmalluunniit taama ajortiginngilaq, taamanikkummi angerlarsimaffeeruttunit maanna angerlarsimaffeeruttut pingasoriaatingajammik amerlanerupput, oqarpoq, "ajornartoorujussuarnertut neriuutaarunnermillu" pisoq nalilerlugu.

Naatsiiviliarsuarmi Champ de Marsimi qarsutsinersuaqarsimanera ilanngutassiortut nunanit allaneersut Danmarkip Radioanut oqaluttuaraat, inuit tusindtilippassuit allanik najugassaqannginnamik naatsiiviliarsuarmut nutserarnikuupput.

Siallertarfik nallertinnagu najugarigallagassanik 1millioninik isumaginneqqullugit nunat ikiuuttuttartut Naalagaaffiit Peqatigiit maanna qinnuvigaat, soorlu toqqinik, barakkinik assigissaannillu, haitimiut oqqiffigisinnaasaannik, ikiuuteqqullugit.