Haitimi qinersineq pissangassutaavoq

Haitimiut 4,7 millionit præsidentimut ullumi qinersipput, qeqertamilu ajutoornermik eqqugaaqqasumi inatsisartunik nutaanik aamma qinersissapput.
novembarip 28-at 2010 15:18

Sakkortusaartoqarnissaa peqquserluttoqarnissaalu qineqqusaarnermi assut ernummatigineqarpoq. Haitimi nuna januaarimi sajorujussuarpoq, qaammatillu aappaa avillugu annertuumik aamma kolerartoqarluni.

Nuna januaarimi sajorujussuarmat inuit millionit sisamararterutaat sinnerlugit ajunaarput, inuillu 1650-it koleramik manna tikillugu toqquteqareerlutik.

Sapaat "nunap siunissaanut pingaaruteqartuuvoq", præsidentitut tunuaqqammisoq, René Préval, taama nalunaaruteqarpoq, aamma oqarluni qinersineq "torersumik iluamillu" ingerlanneqassasoq neriuutigigini.

Haitimiilli ullumi nalunaarutigineqarpoq qinersivinni uivertoqarsimaqisoq. Qinersivippassuarnilu taasisoqarsinnaasimanngitsoq.

Præsidentimut inatsisartunullu qinersinerup inerneri siulliit decembarip ulluisa tallimaanni aatsaat paasinarsissapput, inatsisartuni 99-inik inissaqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq