H1N1-ip atugaanerpaaffissani suli angunngilaa
Nunarsuup annersaani inuppassuit nualluummit eqqorneqareerput, nunalli amerlasuut suli aamma eqqugaanngillat, WHO-mit oqarput:
- Nunat tamat H1N1-imit eqqugaareersimasutut oqaatiginissaat ilisimasaqarluartut mianersoqqussutigaat, nualluullu qanoq siaruaatsigisimanersoq paasiniassagaanni piffissaq sivisooq, misissueqqissaarnerillu amerlanerit, pisariaqarput, WHO-mit oqaaseqartartoq nutaarsiassaqartitsivimmut Reutersimut, e-mailikkut allappoq.
Ilulissani Mathias Storchip Atuarfiani atuartut 236-it nuallullutik decembarip aallartilaarnerani nalunaarput. Nualluinnarsimanersut, imaluunniit H1N1-imik tunillatsissimanersut, erseqqissumik paasineqanngilaq.
Nunatsinni nakorsaq peqqinnissamik nakkutilliisoq, Flemming Stenz, oqaaseqartissinnaasimanngilarput.
Nualluutip H1N1-ip Danmarkimi atugaaqqinnissaa Danmarkimi Peqqinnissaqarfimmit ilimagineqanngilaq.
