H1N1-imut akiuussutissaq Canadami peqqinnissaqarfimmit piumajunnaarneqarpoq

Inuit arfinillit sapigallit nualluummut H1N1-imut akiuussutissamik kapitereerlutillu sakkortuumik kingunipilutsitsereersullu, akiuussutissat 172.000-it Canadami Peqqinnissaqarfiup inniminnereersimagaluarlugit piumajunnaarpai.
novembarip 25-at 2009 06:21

Akiuussutissat sapigalinnut qanoq sunniuteqarnerlussimanersut ilisimaneqanngilaq. Nakorsaasiortuuvoq GlaxoSmithKline, akiuussutissarlu taaguuteqarpoq Pandemrix, nutaarsiassaqartitsivimmi Reutersimi tamanna allaaserineqarpoq.

Nakorsaasiorfik, GlaxoSmithKline, ilisimatitsivoq, akiuussutissat immikkuullarilluinnartut Canadamut nassiunneqarsimasut, sapigallillu immaqa taakku inuunilulissutigisimagaat. Canadamisut ajortigisumik nunanit allanit tutsiuttoqanngilaq.

Nakorsaat taannarpiaq Kalaallit Nunaannit aamma pisiarineqarpoq, innuttaasullu ajorunnaarsinneqarsinnaanngitsumik nappaaatillit akiuussutissamik kapoorarneqaleruttorput.

Akiuussutissamik kapitereerluni arlaannik inuuniluuteqassagaluaraanni Nakorsaatit pillugit Allaffeqarfimmut tamanna nalunaarutigineqassaaq.

- Kingunerlutsitsisunik ataasinnguamilluunniit suli tutsiuttoqanngilaq, Nuna tamakkerlugu Nakorsaataarniarfimmi pisortaq, Inge Motensen, Radioaviisimut oqarpoq.

H1N1-imut akiuussutissat 4.000-it Nakorsaataarniarfimmiit manna tikillugu nassiussorneqareerput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq