H1N1-imik tunillatsittut Danmarkimi amerlapput

Nassuiaatissarpassuit ilagaat nualluut utoqqaanerusut pingaartumik tunillanneqarnissaminnut qajannarnerusut anigormassuk. Aamma inuiaqatigiit siunnersuuterpassuarnut tusaaniarsimapput, qaammatinimi kingullerni nualluut Danmarkimi aatsaat taamak eqqartorneqartigaaq, isumaqarpungalu tamanna assut sunniuteqarsimasoq, Statens Seruminstituttimi nakorsaaneq oqarpoq.

Innuttaasummi isumatusaartumik pissusilersorsimapput, soorlu assersuutigalugu assatik asalluartarlugit quersornertillu mianersuullugu, napparsimagunillu angerlarsimallutik suleqatitik tunillannginniassagamikkik, isumaqarpungalu taamaaliornikkut iluatsitsisoqarsimasoq.

- Inuit nappaammit toqquteqarnissaminnut ulorianartorsiornerpaasut, tassalu ajorunnaarsinneqarsinnaanngitsumik nappaatillit, takkua nappaat anigorsinnaasimavaat naak akiuussutissaq kingusinaarluni takkukkaluartoq, tamanna qanoq paasineqarsinnaava?

- Akiuussutissaq takkummat nakorsat namminneq suliffiutillit akiuussutissalersuillutik aalaniataarsimapput tamannalu sunniuteqarsimalluni, taavalu aamma Tamiflue atorlugu katsorsaaneq pinaveersaartitsiniutigalugu neqeroorutigineqarsimalluni, aammalu tamanna sunniuteqarsimalluni. Tassa suliavut iluaqutaasimapput.

- Taamatut ingerlasoqarsimanera paasereerlugu mianersoqqussutisi siulittuutisilu peqqissimissutiginngilisigik?

- Aap, uanga peqqissiminngilanga, tassami tamakkua tamarmik ilimagisatsinnut tunngasumik iluarsineqartuaannarsimammata, aammalu uanga taamaaliorusuppunga tullissaanik tunillaassuuttoqalissagaluarpat. Taava ulorianartorsiorsinnaasut immikkoortitaassavavut ullutsinni ilisimasat tunngavigalugit taavalu taakkua naleqqussartuarlugit, Statens Seruminstituttimi nakorsaaneq oqarpoq.