H1N1-imik nualluuteqartut pingasunngorput

Nualluummik H1N1-mik nappaateqartut pingasut misissuinikkut paasineqartut, Nunatsinni Nakorsaaneqarfik ilisimatitsivoq. H1N1-mik nappaatillit marluk Tasiilameersuupput ataaserlu Sisimiuneersuulluni.
Allattoq Louise M. Kleemann
novembarip 30-at 2009 09:38

Nunatsinni Nakorsaaneqarfik naapertorlugu Sisimiut naliginnaasumik nualluffiunerpaajuvoq, Sinerissap sinnerani naliginnaasumik nualluummik nappaateqartut assigiinngiiaarput.

Napparsimasoq ataaseq nappaateqarnermigut tunillatsiasoq H1N1-mik toqussuteqarsimasinnaanersoq misissuinikkut uppernarsineqarsinnaasimanngilaq.

Nualluttut amerlanersaat ullut pingasut-tallimallu akornanni sakkukitsumik napparsimasartut, Nunatsinni Nakorsaaneqarfimmit erseqqissarneqarpoq.

Nuallunneq aatsaat ullut tallimat-arfineq-marlullu akornanni sivisussuseqarpat imaluunniit kingunerluutitaqarpat, soorlu puatsigut nuammik nipititsinikkut, aatsaat Peqqinnissaqarfik attavigineqassasoq, Nunatsinni Nakorsaaneqarfik kaammattuivoq.

Aammattaaq meeqqat napparsimasut nerisinnaanerat imersinnaanerallu maluginiarneqaqquneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq