Højttalerit isumaqatissarsiornermut atorneqartut piiarneqalersut

Korea Avannarliup killeqarfiup nalaani højttaleritik aamma piialersimagaat nalunaarutigineqarpoq.

Højttalerit pineqartut Korea Kujalliup Avannarliullu akornanni killeqarfimmi ukiorpassuanngortuni atorneqarsimapput, sunniiniutigalugu isumaqatissarsiornermut atorneqarsimallutik, piffissami sivikitsuinnarmi atorneqarsimanatik.

Nunat taakku marluk naalakkersuinikkut siuttui tallimanngormat ataatsimeereersullu højttalerit piiarneqalernissaat Korea Avannarliup siuttuata Kim Jong-unip neriorsuutigaa.

AAMMA ATUARUK Korea avannarliup kujalliullu isumaqatigiissutaat neriulersitsisoq

Nunat taakku marluk akornanni tallimanngormat ataatsimeeqatigeereernerisa kingorna pissutsit pitsaaneruleriartornerannut tamanna takussutissaavoq.

Korea Kujalliup højttalerit nutaarsiassanik assigiinngitsunik aallakaatitsinermut atortarpaat, soorlu aamma nipilersukkat Korea Kujallermi nuannarineqarnerpaat aallakaatinneqartartut, Korea Avannarlermilu aqutsisut isornartorsiorneqarnerannut aamma atorneqartartut.

Korea Avannarliup højttalerit Korea Kujallermi aqutsisunik isornartorsiuinermut atortarpaat, Korea Avannarlermilu aqutsisunik nersorinninniarnermut aamma atorneqartarlutik.