Høgni Hoydahl aamma qinigaaqqippoq

februaarip 09-at 2005 08:37

Savalimmiuni Folketingimut ippassaq qinersinermi partiit talerperliunerusut Borgerliigit, Savalimmiullu namminersulernissaannik sorsuuteqartut Republikanerit ajugaasuupput.

Ukiuni tullittuni sisamani Savalimmiormiut sinnerlugit Folketingimi ilaasortanngortuupput Republikaanerineersoq Høgni Hoydal kiisalu Folkeflokken-imeersoq Anfinn Kallsberg.

Taamaalilluni Savalimmiuni partii, Folketingimut qinersineq sioqqullugu ilaasortaatitaqarsimasup aappaa Sambandspartii, Danmarkimi Venstrenik suleqateqarsimasoq ilaasortitaaruppoq.

Savalimmiuni qinersinermi Republikanerit qinerneqarnerpaajupput, 25,4 %-inik taaguunneqarsimallutik. Høgni Hoydal taakkunannga amerlanerpaanik qinersneqarsimalluni.

Folkeflokken 24,1%-nit taguunneqarput. Anfinn Kallsberg Folkeflokkeni qinerneqarnerpaajulluni. Kallsbergi Savalimmiuni qinersinermi taaguunneqarnerpaajusup Danmarkimi Venstret suleqatiginiarpai.

Savalimmiuni Naalakkersuisut siulittaasuat Socialdemokratineersoq Joannes Eidesgaard aamma qinigassanngortittoq ilimagineqarsimagaluarluni isinngitsoorpoq. Savalimmiuni Socialdemokratit ippassaq qinersinermi 1 %-imik kinguariarput.

Nutaarsiassami kukkunermik nassaarsimaguit uunga allaffigineqarsinnaavugut.

Aamma atuaruk