Göteborgimi rutschebane-t aportut

juulip 15-at 2006 13:21

Göteborgimi nuannaariartarfissuarmi Liseberg-imi tivoli-tut ittumi rutschebane-mi ornigarneqarnerpaat ilaanni qimuttuitsut marluk apormata inuit 20-it tungaanut aqqunarput.

Svenskit annaassiniartartuisa nalunaarutigaat aqqunartut inuunerminnik ulorianartorsiunngitsut.

Qimuttuitsut uninnganeranni inuit niooraleruttorneranni ilaallu ikiniarnerisa nalaanni qimuttuitsut allat tunuaninngaanniit aporsimavaat.

Aqqunartut meerartaqarput inersimasortaqarlutillu, tamarmillu napparsimaviliaanneqarput.

Ajutoorneq rutschebane-mi 1400 meterisut takitigisumi pivoq, tassanilu qimuttuitsut tallimat ataatsikkut atorneqartarput.

Rutschebaneq ajuttornerup kingorna matuvoq, sulilu paasineqanngilaq ajutoorneq qanoq pisimanersoq.