Assi: William Hook

GUX internettikkut aasarumiit ilinniarfiusinnaalissasoq

Ullaakkut aninissat ajornakusoortikkukku atuarfigisalluunniit ungasippallaarpat nutaarsiassatsiaqarpoq. GUX Sisimiuni najugarisaq qimannagu ukiuni marlunni ilinniarnertunngorniarfimmik eGUX-imik atserlugu ukiaru aallartitsissaaq.

eGUX ilinniarnertuunngorniarfiuvoq sivikitsumik akunnatumilluunniit sivisussusilimmik ilinniaqqiffinnut ilinniagaqarusuttunut qinnuteqarfigineqarsinnaasoq.

Atuarnissamut nalunaarnerit, atuagassaq suullu ilinniartitsissutigineqassanersut internetsikkut tamarmik ingerlanneqassallutik.

Najugaqarfigisamiiginnarluni ilinniartitaaneq GUX-imik ilinniagaqarusuttunut kisiannili illoqarfigisaminniit nunaqarfigisaminniilluunniit nuunnissaminnut periarfissaqanngitsunut naatsorsuussaavoq.

Angajoqqaanut kisimiittunut aamma tulluarsinnaavoq arlaannilluunnik pissuteqarluni nikerartumik ilinniarnissamik pisariaqartitsisunut.

eGUX september 2019-imiit misiliilluni aaqqissuussinertut neqeroorutaavoq, qinnuteqarfissarlu kingulleq marsip aallaqqaataanut killeqarluni.

GUX-imi faagit ataasiakkaat avataaniit atuarneqarsinnaareerput.

Ilinniagaq pillugu UANI itinerusumik atuagaqarsinnaavutit.

AAMMA ATUARUK Ilinniarnertuunngorniarneq qarasaasiakkut ingerlanneqarsinnaasoq periarfissaalissagunartoq

 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat