GUX internettikkut aasarumiit ilinniarfiusinnaalissasoq
eGUX ilinniarnertuunngorniarfiuvoq sivikitsumik akunnatumilluunniit sivisussusilimmik ilinniaqqiffinnut ilinniagaqarusuttunut qinnuteqarfigineqarsinnaasoq.
Atuarnissamut nalunaarnerit, atuagassaq suullu ilinniartitsissutigineqassanersut internetsikkut tamarmik ingerlanneqassallutik.
Najugaqarfigisamiiginnarluni ilinniartitaaneq GUX-imik ilinniagaqarusuttunut kisiannili illoqarfigisaminniit nunaqarfigisaminniilluunniit nuunnissaminnut periarfissaqanngitsunut naatsorsuussaavoq.
Angajoqqaanut kisimiittunut aamma tulluarsinnaavoq arlaannilluunnik pissuteqarluni nikerartumik ilinniarnissamik pisariaqartitsisunut.
eGUX september 2019-imiit misiliilluni aaqqissuussinertut neqeroorutaavoq, qinnuteqarfissarlu kingulleq marsip aallaqqaataanut killeqarluni.
GUX-imi faagit ataasiakkaat avataaniit atuarneqarsinnaareerput.
Ilinniagaq pillugu UANI itinerusumik atuagaqarsinnaavutit.
AAMMA ATUARUK Ilinniarnertuunngorniarneq qarasaasiakkut ingerlanneqarsinnaasoq periarfissaalissagunartoq