"Guuterput" Nunanit Avannarlerneersut atuakkiarsuanni ilaavoq

Atuagangaatsiarujussuaq, ukioq 1200-miilli nunanit avannarlerneersut atuakkiaannut tunngasoq, 700-nik quppernilik sapaatip akunnerata tulliani saqqummissaaq.

Nunani avannarlerneersut atuakkiaat kikkulluunniit nalunngittariaqagaat pillugit taanna atuakkiaavoq, soorunami Sverigemiit, Norgemiit, Finlandimiit Danmarkimiillu atuakkiarineqarsimasut annerusumik sammineqarlutik.

Kalaallit Nunaanneersunilli aamma imaqarpoq; soorlu tussiut 1858-imeersoq, suli ukiuni makkunani juullikkunni tamanik killitsitsisartoq, Rasmus Berthelsenip taalliaralugulu erinniaa, Guuterput, ilanngunneqarsimavoq, Aalullu kangermiup kalaallit qallunaatsianik naapitseqqaarnerannik oqaluttuai aamma ilanngunneqarsimallutik.

Atuakkiarsuarmi ilanngunneqarsimasut kalaallinut tunngasut sinneri, tassa Frederik Nielsenip Ole Korneliussenillu oqaluttuaat, kiisalu Marianne Petersenip Aqqaluk Lyngellu taalliaat.

Taallat oqaluttuallu tamarmik kalaallisut allanneqarsimapput qallunaatullu nutserneqarsimallutik. Danmarkimi ilinniartitaanermut naalakkersuisoq, Berthel Haarder, atuakkiap suliarineqarnissaanik isumassarsisuuvoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat