Gummibådinik takornariartitsisarneq ernumagineqarpoq

Umiarsuit takornarianik angallassisut aaqqissugaannik gummibådinik iluliarsuit akornanni angallassisarnerit, Ilulissani innuttaasut ilaata uparuarpai.

- Gummibådimi ataatsimi inuit allaat aqqaneq-marlukkaarlugit iluliarsuit akornanni tallimanngormat angallanneqaqattaarput. Tamanna navianartoqarsinnaammat paasisitsiniaasoqartariaqaraluarpoq, ajortoortoqartinnagu. Niels Davidsen oqarpoq.

- Gummibådit arfineq-pingasut qulillu missaanniittut iluliarsuit akornannut pulapput, takornariussisut iluliarsuit akornanni angallasseriarlutik umiarsuarmut uteqqittarput allanik takunnikkumasunik aallerlutik. Niels Davidsen oqarpoq.

Niels Davidsen isumaqarpoq, iluliarsuit pillugit ilisimasalinnik angallassisoqarnani taama aaqqissuussisarnerit navianartut, gummibådit oqimmata sikualoqartarneralu eqqarsaatigalugit.

- Ippassaaniaasit iluliarsuaq nakkaavoq, qujanartumilli suli qanillivinngikkaat aserormat ajortoqanngilaq. Kisianni navianartoqarmat paasisitsiniaasoqartariaqarpoq. Ajortoqannginnerani paasisitsiniaassutigineqartariaqarpoq, iluliarsuit kusanaraluarlutik aamma navianarsinnaammata. Niels Davidsen kaammattuivoq.