Guldpiiat angerlamut ullumi aallarput

novembarip 30-at 2004 08:15

Danmarkimi arnat assammik arsallammaat kingullermik olympiadeqarmat ajugaasut nunatsinnut ulluni tallimani tikeraareerlutik ullaap tungaani angerlamut aallassapput. Arnat arsallammaat nunatsinniinnerminni Nuuk Ilulissat Kangerlussuarlu tikippaat.

Arnat arsallammaat måliniittuata Karin Mortensen-ip nunatsinnut tikilluaqqusaanertik inussiarnisaarfigineqarnertillu assut tuppalliutigisimararpaa.

- Kalaallit Nunaat aalianaaqaaq, nipaalluni inuillu eqqissisimanerunerata sunnerpaatigut puigugassaanngilaq, Karin Mortensen oqarpoq.

Sungiusaasualli Jan Pytlich pakatsisimaakujuppoq, tassami arnat, nunatsinni angutit inuusuttut assammik arsartut unammisartuinut tallimanngormat unamminermini ajorsarmata 33-38-imik.

- Isumaqarpunga isiginnaartut suleqatigiinniaraluarnermik ataqatigiippallaanngitsumik takutitsisugut, Jan Pytlich, TV2 Sporten-imut oqarpoq.

Arnalli assammik arsallammaat ilaat Josephine Touray oqarpoq erinarsortartutut tusaamasarsuartut allaat isigineqarnertik tupaallaatigisimallugu.