Gukkip eqqartuussiviit pinnersarai

Nunatsinni eqqartuussivinni sisamaasuni eqqumiitsuliat pinerluuteqarsimasunut pinerlineqarsimasunulluunniit sassarnissaq qununannginnerulersissavaat, eqqumiitsuliortoq Gukki Nuka KNR-mut taama oqarpoq.

Suliaasa ilaat "Tarnip ujaraa" inunnut patajasunut eqqortiasunulluunniit saaffiginnittuuvoq.

- Taakkunannga toqqissisimalerluni eqqissisimalertoqarsinaavoq. Soorlu ersiorneq misigissutsillu nuanniitsut ujaqqanut inaalinneqarsinnaapput, Gukki Nuka oqarpoq. 

Taassuma eqqumiitsuliani sullivimmini ukioq ataaseq suliarisimasani maannakkut nunatsinni eqqartuussiveqarfinni tamani nivinngaassuutileruttorpai.

Allaanerusumik misigisitsineq

Eqqumiitsuliat eqqartuussuvinni iikkat qaqortuunerusartut misigisittagaannit allaanerusumik misigisitsissapput.

- Tassani illlersorniarsaraakkit suliakkullu toqqissisimatinniarlutit.

AAMMA ATUARUK Gukki Nuka Nuummi saqqummersitsilersoq

Gukki Nuka 14-inik ukioqarluni kinguaassiutitigut atornerlunneqarnermi kingorna misigissutsini eqqumiitsuliornikkut aniatittalersimavai.

- 14-inilli ukioqarlunga eqqumiitsuliortalerpunga, eqqarsaatigeqqissaanngisannillu katsorsaatitut atortarsimavara, eqqumiitsuliortoq Gukki Nuka oqarpoq.

Eqqumiitsuliorneq katsorsaatitut

Eqqumiitsuliortup allat namminermisut eqqumiitsuliornerup silarsuaa katsorsaatitut atorsinnaassagaat, taassuma neriuutigaa.

- Ajunngitsumik inuuneqalerutaasumik inuuneq ingerlaqqissinnaasoq, inunnut takutikkusuppara. Inuunerisimasamit pitsaatigisumiunngitsoq, ajunngitsumilli inuuneqalertoqarsinnaasoq. Taamaammat pisimasoq ersiginagu saqqummerpunga.

Gukki Nuka Jukke Rosingilu eqqartuussivinni pinnersaapput. 

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat