- Frimærkiliama nunarsuarmi tamarmi kalaallit frimærkiinik katersisartunit pitsaanerpaatut toqqagaanera ataqqinaatitut tiguara, eqqumiitsuliortoq Gukki Nuka Tele-Postip ukiup frimærkianik unammisitsinerani ajugaasutut toqqarneqartoq oqarpoq.Assi: TELE-POST

Gukki Nukap frimærkiliaa toqqarneqarnerpaasoq: Ataqqinaaterujussuartut tiguara

Frimærkinik katersisartut ajugaasutut kina toqqarneqassanersoq qularisimanngilaat.

Tele-Postip ukiup frimærkianik unammisitsinerani eqqumiitsuliortup Gukki Nukap frimærkiliaa ajugaasutut toqqarneqarpoq.

Ukiup frimærkianik toqqaanissamut taasisitsisoqarnerani taasisut 18 procentiisa Gukki Nukap frimærkiliaa toqqarpaat, illoqarfillu arsarnernik qulangerneqarsimasoq frimærkiliaani takuneqarsinnaavoq.

Eqqumiitsuliortullu frimærkiliami toqqarneqarsimanera nuannaarutigaa.

- Frimærkiliama nunarsuarmi tamarmi kalaallit frimærkiinik katersisartunit pitsaanerpaatut 2019-imi toqqagaanera ataqqinaatitut tiguara, Gukki Nuka oqarpoq.

 

- Immikkullu nuannaarutigaara, eqqumiitsuliortutut suleriaasera atorlugu suliama taamatut nersorneqarnera. Assut tulluusimaarpunga, tupaallaqqallunga aammali taama angitigusumik nersorneqarnermut ajukkutiummeqqallunga, Gukki Nuka Tele-Postip tusagassiuutinut nalunaarutaani taama oqarpoq.

Tele-Postimit nalunaarutigineqartoq naapertorlugu frimærkenik katersisartorpassuit nunarsuarmi tamaneersut frimærkit saqqummersitat 24-t akornanni nuannarinerpaasaminnik ataatsimik toqqaasinneqarput.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat