Guantanamomi unnerluussisuusimasoq illersuisunngortoq
Unnerluussisuusimasup eqqartuussivik ajortumeeriniaanerakkanik eqqartuussisarfik sakkortuumik isornartorsiorpaa.
Guantanamomi unnerluussisunut pisortaasimasoq, Morris Davis, eqqartuussivimmi ippassaq oqaluttuarpoq politikerit qaffasissumillu kilitsissiaqarfimmi atorfillit eqqartuussiniarnernut akuleruttuartut. Davis Sadam Husseinip biilertorinikuusaata eqqartuunneqarnerani uppernarsaasutut aggersarneqarsimavoq. Davisili ingerlaannaq eqqartuussiviup suleriaasaanik isornartorsiuilluni aallartikkami oqaluttuarpoq politikerit atorfikkaallu akuliuttuartut, soorlu paarnaarussat ilaat iperangaasinniarlugit, soorlugooq Australiamiu, Davis Hex, paarnaarussallu ilaat sakkortuumik pillaqqusarlugit. Davisip aamma eqqaavaa sakkutuut naalagaasa ilaat Michzer, eqqartuussamut illersuisussaagaluaq, oqarsimanaerarpaa taama sivisutigisumik paarnaarusaaqqareersut pineqaatissinneqartariaqartut, ajortuliorsimanngitsutummi iperangaatinneqaraluarpata inunnut allanut tamanna nassuiaruminaappallaassaqimmat. Davisittaaq eqqartorpaa paarnaarussat ilaasa naalliutsinneqarlutik nassuerutigisimasaat eqqartuussivimmi atorneqartarmata ukiamullu qinersisoqannginnerani pillaatissiisoqarnissaa pinngitsaaliissutitullusooq piumasarineqarsimasoq. Davisip amerikami eqqartuussiviit qullersaat aamma isornartorsiorpaa, inatsisinik ajortumeeriniatut unnerluutigineqartunut tunngasunik atuutsitsiniarsarinerat tunngaviusumik inatsisinik unioqqutitsinerunerarlugu.
