GU-mi avatangiisit nutaat eqqumiitsulianik pitsaalluinnartunik pinnersarneqarput

Eqqumiitsuliortoq qalipakkanut tunissutigineqartunut pingasuusunut nassuiaasiorsimavoq.

Sila /qamani/ ilimmarneq:

Illit – imminut misissorit – ilisimasanik katersigit ilinniarlutillu. Qamaniittoq (anersaat) sorusuppa? – suut piginnaaneraagit? Tassami ilimagisanniit piginnaaneqarnerujussuuvutit. Sila aamma tassa silaannaq, silaannalersorpaatigut anersaartortilluta inuutillutalu.

Imaq /Sassuma Arnaa:

Asanninneq – nunarnut inuinullu. Nunarput kusanangaartoq imarmik ungalusaavoq, nerisassaqartippaatigut. Sissuissavarput – paaralugu – sullillugulu asagatsigu. Angusaqarneq, nunamut inuinullu tunniussaqarneq, tassa asanninnermik angisuumik tunisineq.

Nuna / Kaassassuk:

Piumassuseq – sapiissuseqarit qanorluunnit aqqusaagaqarsimagaluaruit. Kaassasssuk qinngasaarneqarlunilu atugarliortarsimaqaaq, kisianni pissarsuanngorpoq, tunniutiinnannginnami. Silarsuaq takutigut sapernak, tunniutiinnarnak, neriugit upperalugulu iluatsissasoq, taava iluatsissaaq. Ajornartoqanngilaq. Tunniutiinnanngisaannarit!