GTE: Takornariat puisit amii pillugit paasissutissinnerussavagut

Puisit amii pillugit Kalaallit Nunaanni Takornariaqarnermut Inuussutissarsiornermullu Siunnersuisoqatigiit, GTE, iliuuseqalersaarpoq. Puisit amiinik sanalukkanillu puisinit sanaanik nunani EU-mut ilaasortaasuni avammut nioqqutissiortarnerup inerteqqutaalernissaa EU-mi nunanut allanut ministerit ataasinngormat akuersissutigereeraallu GTE taama aalajangerpoq.

Takornariat puisit amiinit pisunik annissisinnaanerat pillugu paasissutissinneqartalernissaat GTE-p siunniuppaa, GTE-mi pisortaq Thomas Rosenkrands taama erseqqissaavoq.

- Takornariat puisit amiinit sulianik tammajuitsussarsigaangamik paasitinneqartassapput puisit Kalaallit Nunaanneersut malittarisassat malillugit pisarineqarsimasut, ileqqorissaartumik illersorneqarsinnaasumillu puisit pisarineqarsimasut paasisassammassuk. Taamaattumik takornariat qanoq ilinikkut pitsaanerpaamik paasissutissiiffigisinnaanerivut misissussavarput, Thomas Rosenkrands Radioaviisimut oqarpoq.

Takornariat GTE-p nittartagaatigut sukumiisumik paasissutissiiffigineqartarnissaat taassuma takorloorpaa, Nunatsinnukannginnerminni itinerusumik ilisimasaqarnerunissaat neriuutigineqarluni.

- Takornariat pisiniarfimmiinneranni puisit amiinit pisunit tammajuitsussarsioraangamik paasissutissiiffigineqartarnissaat siunniunneqassaaq, qanoq iliornikkut tamanna pitsaasumik naammassisinnaassaneripput maanna misissussavarput, Thomas Rosenkrands oqarpoq.

Takornariaqarnermut Inuussutissarsiornermullu Siunnersuisoqatigiit GTE-p aamma misussussavaa, puisit amiinik tunisassiat nunanut allanut tunisaanerat maannakkornit minnerulissanngippat iliortoqarsinnaanersoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat