GSS finalemut annguppoq

Assammik arsarnermi Brugsen Jule Cupimi angutit unamminerat pissanganavippoq GSS Danmarkimilu ilinniartut nunanut allanut unammisartortallit unammimmata.
Allattoq Noah Mølgaard
decembarip 28-at 2010 07:18

GSS Nuummeersoq angutit finalernissaannut annguppoq Brugsen Jule Cupeqarnerani ataasinngornermi Danmarkimi ilinniartut ajugaaffigereerlugit.

Unamminermi tassani GSS ajugaavoq 36-33-mik unamminerli tamaat ilungersuatinneqavissorput.

- Tamannali naammanngilaq tassami GSS-imeersut inuusuttut ilungersuatinneqarnermik maanna makussereersimammata. Taamaasilluni GSS 36-33-mik ajugaavoq, taama aaqqissuisuniit Boas Møller oqaluttuarpoq.

Marlunngornermi unnukkut Danmarkimi ilinniartut aamma NÛK unammissapput taakkunanilu ajugaasut finalemut anngutissapput.

Arnat unammineranni GSS aamma Danmarkimi ilinniartut unammipput naligiiffiuallaanngitsumik GSS pisassaanngivimmat taamalu 34-24-mik ajugaalluni. Taamaasillutik nunatsinni pissartat arnat finalernissaannut anngupput.

Marlunngornermi unnukkut ilinniartut NÛK unammissavaat tassanilu ajugaasut finalemut anngutissapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq