GSS Faxe Cupimi pissartanngorpoq
Arnat assammik arsaallutik pissartanngorniunneranni Faxe Cup-imi GSS Nuummeersut pissartanngorput.
Allattoq Louise M. Kleemann
Pissartanngorniutivinnermi GSS Nuk unammivoq, unamminerullu immikkoortuani siullermi GSS 17-inik isertitaqarluni siuaqqavoq, NUK quleraartoq. Unammineq naammassimmat, GSS 28-inik isertiqarluni pissartanngorpoq, NUK 22-eraartoq.
GSS Faxe Cup-eqartarnermi arfineq aappassaa pissartanngorpoq. K-33 Qaqortumeersut bronzinapput.
Andrea Andreassen GSS-imeersoq pissartanngorniunnermi arsaatillammattut toqqarneqarpoq, Karen Marie Kyed pissartanngorniunnermi isertitaqarnerpaavoq 37-inik isertitaqarami.