GSS Coca Cola Cupimi pissartanngorpoq

Isikkamik arsaattartut qulingiluanit aqqalinilinnut ukiullit sapaatit akunnerata siuliani Coca Cola Cuppeqarput. Unammiuaarnerit Sisimiuni ingerlanneqarput GSS-ilu illoqarfiit pingaarnersaanneersoq pissartanngorpoq. Pissartanngorniutivinnermi timersoqatigiiffik aaqqissuisuusoq S-68, timersoqatigiiffiup ukiunik 45-nngortorsiorneranut atatillugu aaqqissuisussatut toqqarneqarsimasoq unammivaat ajugaaffigalugulu.
Allattoq Peter Troelsen, Simon Uldum
juulip 09-at 2013 07:52

Pissartanngorniutivinneq pissanganarluinnartumik ingerlanneqarpoq, GSS-ermiullu Niklas Kleist Micas Fencker-Noahsenilu isertitsisuullutik B-67 ajugaaffigaat. 3-nngorniunneq aamma pissanganavissortumik ingerlanneqarpoq, B-67-illu Kagssagssuk tassani ajugaaffigaa. Unamminerup inerneraa 1-0.

Ukiormanna arsaattartoqatigiinnut toqqagaasut tassaapput:

Saamerlernit; Rico Thomsen Madsen aamma Thorvald Kleist B-67-imeersut, Nicklas Sommer, Christian Christoffersen aamma Micas Fencker-Noahsen GSS-imeersut, Samson Enequist aamma Henning Bajare Kagssagssumeersut kiisalu Qillaq Inûsugtok aamma Minik Olsen S-68-imeersut.

Timersoqatigiiffit tamarmik immikkut arsaattartunik marlunnik All Starsinut peqataatitaqarput ataaserlu timersoqatigiiffiit akornanni toqqagaalluni.

Coca Cola Cup aappaagu ingerlanneqartussaq Kagssagssummit aaqqissuunneqassaaq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq