GSS arnani angutinilu pissartanngorput
Nunatsinni arnat angutillu U-18-it assammik arsarlutik pissartanngorniunneri ippassaq naammassimmata, GSS Nuummeersut arnani angutinilu tamarmik kuultinnapput.
Allattoq Najaaraq Egede
Arnani Kâgssagssuk Maniitsumeersut sølvinnapput GSS-imut unamminermi 18-21-eraarlutik.
Bronzennapput Nûk Nuummeersut Nagdlúnguamut N48-mut Ilulissaneersunut unamminermi 28-18-imik ajugaasut.
Angutit assammik arsarlutik pissartanngorniunneranni
GSS-ikkut kuultinnapput Maniitsormiunut, Aqissiaq-kkunnut 26-21-imik ajugaagamik. Aqigssiaq taamaalilluni sølvinnappoq.
Norsaq HC Aasianneersut bronzennapput, N-48 Ilulissaneersut unammigamikkit 39-37-imik ajugaagamik.