GSS aallartilluarpoq

Assammik arsarluni nuna tamakkerlugu pissartanngorniunnerit Nuummi timersortarfimmi Inussivimmi ippassaq aallartipput.

GSS-ip arnartai Maniitsuminngaaneersunut Kagssagssuk-miunut unammigamik 39-nik isertitaqarlutik ajugaapput, Kagssagssuk-miut 22-nik isertitaqarlutk ajorsartut.

GSS-ip angutitai  S-68-imut Sisimiuninnngaaneersunut unammigamik 33-nik isertitaqarlutik ajugaapput. S-68 23-nik isertitaqarlutik ajorsartut.

SAK-p Sisimiuninngaaneersup arnartai angutitaalu  unamminermi siullermik ajugaapput.  SAK-p arnartai Nûk-mut  unammigamik 30-nik isertitaqarlutik ajugaapput, Nûk 23-nik isertitaqarluni ajorsartoq.

SAK-p angutitai N-48-mut Ilulissaninngaaneersumut unammigamik 25-nik isertitaqarlutik ajugaapput, N-48 21-nik isertitaqarlutik ajorsartoq.

N 48-ip arnartai Ilulissaneersut, K33-mut Qaqortuminngaaneersumut unammigami 22-nik isertitaqarluni ajugaaqqatarpoq, K33- ermiut 21-nik isertitaqarlutik ajorsartut.

 Assammik arsarluni unamminerit siulliit naggaserlugit  K33-p angutitai Nûk-mut Nuuminngaaneersunut unammipput. Nûk 30-nik isertitaqarluni ajugaavoq, K33 27-nik isertitaqarluni ajorsartoq.

Aajuku marlunngornermi angusat:
Kâgssagssuk - GSS 22-39 (13-17) (arnat)
Arsarluarnerpaaq: Tutta S. Heilmann, Kâgssagssuk

SAK - Nagdlúnguak 25-21 (9-14) (angutit)
Arsarluarnerpaaq: Jens Frederik Olsen, SAK

SAK - NÛK 30-23 (16-8) (arnat)
Arsarluarnerpaaq: Aviaaja Heilmann, SAK

GSS - S-68 33-23 (14-12) (angutit)
Arsarluarnerpaaq: Majaq Heilmann, S-68

K-33 - Nagdlúnguak 21-22 (8-9) (arnat)
Arsarluarnerpaaq: Paninnguaq Larsen, Nagdlúnguak

NÛK - K-33 30-27 (angutit)
Arsarluarnerpaaq: Nuka Peter Ottossen

Aajuku pingasunngornermi unamminissat:
Nal. 13.00 Kâgssagssuk - SAK (arnat)
Nal. 14.30 Nagdlúnguak - K-33 (angutit)
Nal. 16.00 NÛK - Nagdlúnguak (arnat)
Nal. 17.30 S-68 - NÛK (angutit)
Nal. 19.00 GSS - K-33 (arnat)
Nal. 20.30 SAK - GSS (angutit)