Grønlandsbankimi sinneqartoorutit ikinnerupput

Danmarkimi aningaaseriviit ajutooqattaarnerinit Grønlandsbanki siusinnerusukkut eqqugaagaluarpoq. Taamaakkaluartorli aningaaserivik qaammatini siullerni qulingiluani, akileraarutit suli peernagit, 64- millionit koruuninik sinneqartoorpoq. Ukioq kingulleq piffissami tassani angusaq 77- millionit koruuniusimagaluarpoq.
Allattoq Carla Davidsen
oktobarip 27-at 2011 07:46

Angusarineqartup pitsaannginneranut pissutaavoq aningaasartuutit qaffassimanerat, ilaatigut sulisunut aningaasartutit qaffannerannik, aamma aningaaseriviit Amagerbankenip, Fjordbankmorsip Max Bankillu ajutoorneranik pissuteqartumik. Taakku katillutik  Grønlandsbankimut 19- millionit koruuninik naleqarsimapput.

- Ajuusaarnaraluarpoq aningaasanik taama amerlatigisunik annaasaqarnerput, qujanartumilli iluarsartuusseqqinnissamut akissaqarpugut, Martin Kviesgaard, kisitsisinik naammagisimaarinnilluartoq, oqarpoq, "Grønlandsbankilu niuernermik ingerlatsiviulluartutut nunani allani aningaaserivinnut sanilliunneqarsinnasoq" oqarluni.

Ukiumut missingersuutigineqarsimasut iluarsineqalaarsimagaluartut Aningaaserivimmit isumalluarfigineqarput. Maanna naatsorsuutigineqalerpoq  aningaasat nalingisa iluarsineqarnissaat, nalikilliliinerillu pitinnagit 95- aamma 115- millionit koruuniunissaat naatsorsuutigineqarpoq, ukiup siuliani 108- millionit koruuniusimallutik.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq