GrønlandsBANKENip Elitesport Greenlandimut aningaasatigut tapersiisarnertik ukiunik pingasunik ilaqqippaat
Generalsekretær Carsten Olsen imak nalunaaruteqarpoq: "GrønlandsBANKENi ukiuni qassiini timersornerup silarsuaani patajaatsumik eqinnaatsumillu tapersiiuartarsimavoq.Ukiut ingerlanerini timersornikkut kattuffiit assigiinngitsut qanimut GrønlandsBANKENi tutsuiginartumik suleqatigisarsimavaat. GrønlandsBANKENip timersoqatigiiffinnut timersortartunullu tapersiisarnermikkut, unammersuaarnissanut piareersarsinnaaneq annertuunullu unammiuaarnernut peqataasinnaanissamut pilersaarutit piviusunngortittarnerinut aaliangiisooqataavoq. Unammiuaarnernut makkununnga ilaallutik Nunat tamat peqataaffigisaannik unammersuaarnerit, Europami unammersuaartarnerit kiisalu Pan Amerikami unammersuaartarnerit. Taamaalillutik timersortartut takutitsilluarnermikkut kiinnertarnermikkullu nunarput avammut nittarsaattarlugu.
Elite Sport Greenlandip timersornerup iluani avatangiisinik pitsannguinissanut akisussaasussatut atorfinitseqqammerpaa Tupaarnaq Kreutzmann, taassumalu qujarutigaa GrønlandsBANKENi qanimut suleqatigiumaarnissaanut.
Elite Sport Greenland ukiuni qassiini timersortartunut neriunaatilinnut, timersortartunullu qaffasissumik timersuutiminnik aallutaqartunut aningaasatigut tapiisarsimavoq. Taakkunannga timersuutit ilaatigut makkuullutik; sisoraatinik ujakkaarneq, sisoraatinik sangusaarneq, assammik arsarneq taekwon-do timersuutillu assigiinngitsut allat.
