Grønlandsbankeni pisortarissaarpoq
Naalagaaffeqatigiinni aningaaseriviit 23-it pisortaasa qanoq ingerlatsilluarnerannik misissuinermi, GrønlandsBanken, Danske Bank peqatigalugu pitsaanersatut oqaatigineqarput. Nalilersuinermi pitsaanerpaatut pointe 10-uvoq, tassalu GrønlandsBanken aamma Danske Bank tamarmik 9 pointinik pissarsitinneqarlutik pitsaanersaapput.
Siorna taamatut misissuinermi GrønlandsBanken 8 pointinnappoq, tassalu ukioq manna suli pitsaanerulersimalluni.
Nalilersuinermi pingaarnertut paasiniarneqartut immikkoortut quliupput, ilaatigut tassaallutik piginnittuuneq, siulersuisut piginnaasaat, nammineersinnaaneq aamma aningaasanik atukkiinerni annaasaqannginnisamik aqutsineq.
Misissuinermi pingaarnertut misissorneqarpoq, aningaaserivinni siulersuisut suleriaasii. Tassani misissiuinermi GrønlandsBankenip siulersuisuisa ataasiakkaat pikkorissusii aamma siulersuisut imminnut nalilersornerminni nalunaarutaat aallaavigalugit pitsaanernut tassa ilaatinneqarlutik.
GrønlandsBankenip qulinik pointinnatsinneqannginneranut pissutaaneruvoq, siulersuisuni ilaasortat kukkunersiuisumik ilaqannginneri.
