Grønlandsbanken angusakinnerusoq
Ukiup affaani siullermi angusat 47,7 millionit koruuniupput, siorna 55,1 millionit koruuniusimallutik.
Pappialat nalillit nalingisa appariarsimanerannik erniallu inissisimaffiata appasinnera, pissutaallutik angusat appariarput.
Taamaakkaluartoq aningaaserivik naammagisimaarinnippoq.
- Pisut eqqarsaatigalugit inernera naammaginarpoq, GrønlandsBankenip pisortaanera Martin Kviesgaard oqarpoq.
Nunatsinni amerlanerusunik ukiup tullianut taarsigassar-sisit-sisar-nissani aningaaseriviup neriuutigaa.
- Takusinnaavagut suliffeqarfippassuit ilaqutariillu ataasiakkaat aningaasaliinissaminnut piareersimasut. Maannalu nunatsinni siuariartorneq malunnarpoq, aalisarnermilu isertitagissaartoqarluni, sanaartornerullu iluani suliaqartoqarluarluni, Martin Kviesgaard allappoq.
2016-imut tamarmut angusat 125-it 145 millionit koruunillu akornaniinnissaat aningaaseriviup naatsorsuutigaa.
Ukiup siuliani angusat 137 millionit koruuniupput.