Kalaallit Nunaanni pujortarneq pillugu inatsit atuutsinneqalermat, neriniartarfiutillit piumaffigineqarput, pujortartunik naammattoorsigunik pujortartut politiinnut nalunaarutigineqartassasut.
Grækenlandimi inuit tamat ornigartarfiini pujortarneq qammatit marluk matuma siorna inerteqqutaalerpoq. Neriniartarfiutillit taamaattoqarnera assuareqaat, arsaajaaviillu nerrivinnut uterteqqillugit.
- Pujortarneq ulorianarpat, sooq sananeqartarnerat tunisassiarineqartarneralu inerteqqutaalernianngillat? Ritzauip paasisai naapertorlugit, Grækenlandimi neriniartarfiutillit kattuffiannit, Yiannis Tsakos taama oqarpoq.
Inatsisip atuutsinneqalernera pillugu neriniartarfiutillit akerliunerminnik takutitsipput, taakku oqarnerattut; neriniartarfinni pujortaqqusiunnaarerup neriniartarfiit matoriaannaavaat. Inatsisinillu unioqqutitsillutik neriniartarfimminnut arsaajaaviit uterteqqillugit.
- Grækerit illoqarfiliaraagamik pujortanngitsoorneq ajorput, Athenip eqqaani neriniartarfiutillit peqatigiiffianni pisortaasoq, Tzeni Kontopanou oqarpoq, nangillunilu:
- Inuit 100-jut pujortarpata inuup ataasiinnaap tamanna nuannarineq ajorpaa.