Grækenlandimi qinersineq
Ullaanngornerani paasinarsivoq Konservativit pissaanermik tigumiarnertik ingerlatiinnassagaat, taamaalilluni Socialistpartiip ajorsarnini akuerisariaqarpaa naalakkersuisullu taarserneqarnissaannik kissaatini taamaatiinnartariaqarlugu. Politikenimi taama allaaserinnittoqarpoq.
- Inuiaat qinersereerput, qinersinerullu inernera kissaatigisattut inngilaq, Grækenlandimi Socialistpartiip siulittaasua George Papandreou qinersinerup kingorna oqarpoq.
Kinguninngua Grækenlandip ministeriunera Kostas Karamanlis partiini konservativiusoq, Nyt Demokrati, ajugaasimanerarlugu nalunaarpoq.
- Nunap pisariaqarteqisaanik Nyt Demokratiip allanngortiterinerminik iluarsaaqqinnerminillu ingerlatitseqqinnissaa periarfisseqqipparsi, Karamanlis ullaaq manna taama oqarpoq.