Grillerisarneq kræfteqalissutaasinnaavoq

juunip 13-at 2007 15:18

Grillerisarneq atugaaleraluttuinnarpoq, grillerikulagaannili tamanna kræfteqalissutaasinnaavoq, inuppassuillu bakterianik tunillatsillutik napparsimalertarput.

Naatsumik oqaatigalugu: Neqinik silami grillerisarneq navianaateqarpoq. Ima navianartigaaq, kræftimik nappaateqalernissaq qaninnerulersarpoq, soorlu bøffit siappallaarlugit ilittoortarput, taamaaligaangatalu tjæritai kræfteqarsitsisinnaasut, PAH-nik taaneqartartut annertoorujussuanngortarlutik, neqit siaasakkat ilippallaatarput, orsoq, uulia siatsissut marinadilu aamarsuarnut grillerutinut kuuttarput neqinullu peqqittarlutik.

Grillikkanik ullut tamaasa nerisaraanni grillerisanngitsuniit quleriaammik annertunermik kræfteqalernissaq navianarnerusarpoq.

Angutit grillerinermi amerlanertigut igasuusarput, taakkualu eqqiluisaarnissamut pikkorluttuusarmata, grillikkanik nerereernermi naarlulersartut aasaanerani amerlanerulersarput, aviisi Jyllandsposten allappoq.

Campylobacterbakteerianik salmonellanilluunniit Danmarkimi tunillatsittut ukioq kingullermut sanilliullugu ukioq manna 35 procentinik amerlanerusimapput, Danmarkimi inuussutissaqarnermut pisortaqarfimmi nerisat pillugit siunnersuisartoq, Mette Nyborg oqarpoq.