Gribskov Efterskolemi annaasaqartut 7.000 koruuninnapput.

Gribskov Efterskole qaammatip ataatsip matuma siorna nungulluni ikuallammat, kalaallit ilinniartut arfineq pingasut pigisaminnik tamanik annaasaqartut maanna ikiorserneqarput. Namminersornerullutik Oqartussat ilinniartumut ataatsimut 2.000 koruuninik tapiinerisa saniatigut inunnit suliffeqarfinniillu 7.000 koruuninik ikiorserneqarput.
Allattoq Mikkel Bjarnø Lund
apriilip 18-at 2009 18:02

Ilinniartunut siunersorti, Pia Rosing Heilmann, Tele Greenlandimiit oqarasuaatinik angallattakkanik assigiinngitsunik aamma pisimagami, ilinniartut paggateqqunagit poortorlugit tunissutigai, taakkualu ilinniartut aamma qujaruteqaat.

Nukappissat marluk ikuallatsitseqattaarlutik pinnguarnerisa kingorna Gribskov Efterskolep nungulluni ikuallanneraniit maanna qaammat ataaseq qaangiuppoq. Taamani ilinniartut innareersimagamik innerlu siaruaatipallaqimmat ilinniartut amerlanerit pigisatik tamaasa annaagaat Veronica Humrum oqaluttuarpoq. Maannakkut ilinniartut ilaquttaminnit qanoq ikiorserneqarsimanerat apeqqutaalluni assigiinngitsunik atugassaqarput. Soorlu Ivalo Namminersornerullutik Oqartussat tunniussaasa saniatigut aamma angajoqqaaminiit aningaasanik tunineqarsimavoq.

Atuarfik ikuallanniariartoq atuarfiup arsaattarfiani ilinniartut inissaqartinniarlugit barakkiliortoqarpoq, ilinniartullu aasamut atuarunnaarnissamik tungaanut tassani najugaqassapput. Taamaakkaluartoq ilinniartut siunnersortaata Pia Rosing Heilmannip ilinniartut angusaqarluarsinnaanissaat ilimagisinnaanerarpaa.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq