Gribskov Efterskole ikuallammat ajoqusertoqanngilaq
Atuartut ilinniartitsisullu tamarmik ajunngitsut tupassimaqisulli nalunaarutigineqarpoq. Gribskob Efterskole-mi kalaallit arfineq pingasut atuartuupput. Oqaatsinut ilinniarfiup Sisimiuniittup pisortaa Johan Meier oqarpoq kalaallit efterskole-mi atuartut ilaquttaminnit attavigisartakkaminnit aaneqareersimasut tupassimagaluarlutillu tamarmik ajunngitsut oqaluttuaralugu.
Atuartut taakkualu attavigisartagaat ilaquttariit sapaatip akunnerata tulliani Kalaallit Illuutaanni København-imiittumi unnussiuaaqatigiissinneqassapput Johan Meier oqarpoq.
Griskov Efterskole-mi atuartut tarnip pissussaanik ilisimasalinnit ikiorneqarnissaannut piareersimasoqarpoq, soorluttaaq Kalaallit Illutaanni København-imiittumi kalaallinik efterskole-mi atuartunik ikiunissaminnut piareersimatitsisoqartoq.
Atuartut pigisaat amerlanerit ikuallagussaapput, taamaattumillu atuartut atisanik nutaanik pisinissaannut Kalaallit Illutaat København-imiittoq suleqatigalugu aaqqiivigineqassaaq . Taakkua saniatigut atuartut angajoqqaavi attavigineqassapput, atuartut sillimmaserneqarsimanersut paasiniarlugit Johan Meier radioaviiisimut oqaluttuarpoq.