Nukappiaqqat pingasut naalanngisaarnerisigut Danmarkimi Grevemi imeq sapaatip akunnerata siuliani toqunartumik strykninimik akuneqarsimavoq. Stryknin toqunartumik teriarsuarniummik aamma taaneqartarpoq.
Glas-i strykninimik imalik illumi inoqanngitsumi nassaarisimagitsik nukappiaqqap 15-inik ukiullip nassuerutigisimavaa.
Glas-i strykninimik imalik qillerivimmut igiinnarneqarsimavoq, Roskildemilu najugalik politiinut saaffiginninneratigut imermik toqunartortaliisoqarsimanera pillugu paasiniaaneq iluatsitsiffiusumik inerneqarpoq.
Imeq qanorpiaq mingutsinneqarsimanersoq politiinit suli paasiniaavigineqarpoq.