Greenpeacermiut allat eqqartuunneqarput

Avatangiisit pillugit illersuiniaqatigiit, Grenpeacekkut maani Nunatsinni kisimi ulapaartitsinngillat. Københavnimi siornaak, 2009-mi, sila pillugu ataatsimeersuartoqarnera naggaserlugu nerersuaqatigiittoqarnerani, Greenpeacermiut aqqanillit akornusersuipput. Taakkulu tamarmik unnerluunneqarlutik Københavnip Eqqartuussivianut ullumi sassartinneqarput.
Allattoq Apollo Jeremiassen
juunip 20-at 2011 10:04

Greenpeacemeersut aqqanillit ilaat pingasut, Kunngikkormiut illorsuannut, Amalienborgimut siornaak iserput qaaqqusatut atisalersorsimallutik. TV-kkut toqqaannartumik aallakaatitsisoqarnera iluatsillugu taakku allagartarsuit nassatatit siaarpaat allassimasut "Politicians talk - Leaders ACT.

Tamatuma kingorna Greenpeacekkormiut sisamat sapaatip akunnerini pingasuni, juullip ukiortaallu ullui ilanngullugit, politiinit tigummineqarnerat kikkunnit tamanit persuarsiutigineqarpoq.

Akornusersuinerup inunnik ajoqusiinnginnera eqqarsaatigalugu aamma tamatuma kingorna tigummigallagaanerat eqqarsaatigalugu eqqartuussisuserisut isumaqarput pineqaatissinneqarnerat ingasappallaartoq, tassami ajoqusersuinermi kinguninngua Greenpeacekkormiut avammut suaarutigaat qanoq iliuusitik nassuerutigalugit aamma politiit pisumut ilisimasaat kikkunnit tamanit ilisimaneqalernissaat siunnersuutigalugu.

Unnerluussisut siornatigut atorneqanngisaannarsimasoq, tassa ataqqinartorsuarmik kanngunarsaanermik tunngaveqartoq, eqqartuussinermi atorneqarpoq. Tamannalu tunngavigalugu pineqaatissinneqartut eqqartuunneqarunik pisarnermik marloriaammik sivisunerusumik pineqaatissinneqarsinnaapput.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq