Greenpeacep nunatsinni periutsini allanngortippaa
![Jon Burgwald](/sites/default/files/styles/image_934x467/public/article_images/jon_burgwald_foto_anders_holt_0.jpg?itok=4PiMq4ns)
Sapaatit akunnerini makkunani Greenpeacemeersut nunatsinniipput Qeqertarsuup Nuullu avataanni uuliarsiornissat malugineqarnissaat siunertaralugu. Cairn Energy qillerivissuinut siorna qallorput, ukioq manali kalaallit naapinniarpaat. Sapaatit akunneranni matumani Aasianniipput, quppersakkanillu agguaallutik. GU-mi ullumi oqalugiassapput. Aamma innuttaasunik ataatsimiititsinissamut Aasiaat katersortarfiannut pingasunngorpat aggersaapput.
- Oqaloqatigiinnissaq pisariaqarsorivipparput eqqartorneqartoq pillugu kalaallit paaseqatiginiassagatsigit. Ilumoorpormi uuliasiorluni qillerinissanut 100 procentimik akerliusugut. Qillerinissat akuersaaraluaraanniluunniit isumaqarpugut uatsinnut tusarnaarnissamut pissutissaqartoq, Greenpeacemi avatangiisit pillugut sulisoq Jon Burgwald oqarpoq.
- Uuliasiorluni maani qillerinissaq ajutoorfioriaannaaqimmat, uagut tusaaneqartariaqarpugut. Akuutissanik ulorianartunik, allattorsimafimmik aappaluttumik taaneqartartumi nalunaarsorneqarsimasunik qillerifinnit tamaniit 45 tonsinik immamut eqqaanissamut Cairn ukioq manna akuerineqarpoq. Akuutissat taakkua ulorniarnarnerpaapput 45 tonsillu taakkua Norgep Danmarkillu immamut eqqaagaasa tamarmik katinnerannik annerupput, silap pissusianik Greenpeace-imi suliaqartoq Jon Burgwald oqarpoq
Greenpeace –avatangiisinillu sorsuutiginninnerat - kalaallit ilarpassuisa nuannarinngilaat. Uuliasiorneq suli aallartinngitsoq unitseriarneqartarmat tamanna aningaasarsiornikkut suliffissaqarnikkullu siuariartornissamut killilersuiniarnertut isigineqarpoq. Taamaattoq avatangiisit pillugit sulisoq Jon Burgwald isumaqarpoq kalaallit tamarmik soqutigisariaqaraat Greenpeacemut tusarnaarnissaq.
- Aningaasarsiornikkut namminiileriartornermullu siuariartornissaq kalaallit pisinnaatitaaffigaat. Kisianni qillerinerit kalaallinut inuiaqatigiinnut iluaqutaasariaqarput imaanngitsoq suliffeqarfissuit nunanit allaneersut kisimik iluaqutigissagaat, Jon Burgwald oqarpoq.
Derfor håber han også, at Råstofdirektoratet igen kigger på den tilladelse de har givet Cairn Energy til at tømme de mange ton farlige kemikalier ud i havet. Og at befolkningen bakker den opfordring op.
- Kalaallit eqqaamasariaqarpaat uuliasiornermi oqartussaaffik tigummisariaqaramikku. Pissaaneq tassani tigunngippassuk suliffeqarfissuit nunanit allaneersut tigussavaat. Ajutoorneq unitsissinnaanngikkutsigu, sapinngisannguarput naapertorlugu ajornerusumik pisoqaqqinnginnissaa isumannaallisarnissaalu isumaginiassavarput. Cairn uuliamik nassaassappat suli ukiut 20-it ingerlassapput uuliamik qalluinerup aallartinnginnerani. Akuutissalli pineqartut ajutoorfiuppata taava ajoqusiineq pissaaq ulloq siullerpaaq aallarnerfigalugu, oqarpoq.
Aasianni innuttaasunik ataatsimiisitsineq pissaaq pingasunngornermi unnukkut nalunaaqutaq 19-21 katersortarfimmi.