Greenpeacep atsiornerit 50.000-it tunniukkai

Pinngortitamik illersuiniaqatigiiffiup Greenpeacep Spaniami immikkoortortaqarfiata atsiornerit 50.000-it pinngortitamik illersuiniaqatigiiffiup ilaasortai sisamat Danmarkimi parnaarussaaqqasut iperangaanissaanik piumasaqaatitalimmik imalik Madridimi danskit aallartitaqarfiannut ullumi tunniuppaat.
decembarip 29-at 2009 14:15

Københavnimi silap pissusaa pillugu ataatsimeersuartoqarmat inuit sisamat Greenpeace-imeersut Christiansborgimi akerliussutsimik takutitsisut tigusarineqarput.

Spaniami Greenpeacep immikkoortortaqarfiani pisortaasoq, Juan Lopez de Uralde, norgemiu arnaq Nora Christiansen decembarip 17-iani qallunaat politiivi qoqasserujussuarlugit Christiansborgimi nerersuaaqataajartortuusaarlutik iserput akerliussutsiminnillu takutitsillutik.

Greenpeacermioq alla, schweiz-imiuusoq Christian Schmutz Leinhart neriartortuusaartunik paarsisuusaartoq aamma tigusarineqarpoq, tigusaasullu sisamaat hollandimiu, Joris Thijsen aqaguani tigusarineqarluni.

Tigusarineqartullumi januarip arfineq-aappaata tungaanut tigummigallangassanngortinneqarsimapput.

- Januarip arfineq aappaa qaangiuppat qanoq pisoqaqqissanersoq Greenpeacemiit utaqqimaarneqarpoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq