Greenpeace: Uuliasiorneq aningaasanik taarsiinikkut unitsilli

Uuliamik misiliilluni qillerinerit unitsinnissaannut nunarsuarmioqatigiit Kalaallit Nunaannut aningaasaliisariaqarput. Taama isumaqarpoq avatangiisinik illersuiniaqatigiit Greenpeace.
juulip 21-at 2010 05:35

- Nunarsuarmioqatigiit pingaartumillu pisumi matumani Danmarki immikkorluinnaq akisussaaffeqarput uuliamut Kalaallit Nunaata nunataata ataaniissinnaasup qallorneqannginnissaanut akuersissuteqarnissamut, taama oqarpoq Greenpeace Nordicip generalsekrektæria Mads Flarup Christensen.

Taassuma paasisinnaalluarpaa uuliamik nassaarsinnaaneq tassaassasoq Danmarkimik aningaasaqarnikkut isumalluuteqarunnaarnissamut aqqutissaq. Taamaattumik Kalaallit Nunaata uuliasiornermik unitsitsinissaanut nunarsuarmioqatigiit taarsiissuteqarnissaat isumagineqartariaqartoq.

Sunaluunniit pineqaraluarpat Mads Flarup Christenseni Naalakkersuisut uuliasiornernik kinguartitseqqullugit kajumissaarpai:

- Maanna tassa USA-mit Norgemillu assersuutip malittarinissaanut piffissanngorpoq tamannalu unitsikkallarlugu pitsaanerusumik ilisimasaqalernissap eqqarsarluaqqaarnissallu aammalu uuliamik maqisoornissap passutarisinnaalernissaata tungaanut, Mads Flarup Christensen naggasiivoq.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq