Greenpeace: Tipigissaatit ulorianartunik ulikkaarput

Tipigissaatit ilimaneqarluartut akoorutissanik ulorianartunik ulikkaarput. Avatangiisinik illersuiniaqatigiiffik Greenpeace misissuereerluni taama nalunaarpoq.

Tipigissaatit Greenpeacip misissortissimasai inuit hormoniinik allanngortitsisinnaasutut pasineqarput, angutillu anisuuinik ajortunngortitsisinnaasorineqarlutik.

Tipigissaatit assigiinngitsut 36-it Greenpeacip Hollandimi misissuisarfimmut misissortissimavai. Misissukkani tamani phtalatit nassaarineqarput.

-Pilluta pilluta akoorutissat EU aqqutigalugu tamakku meeqqat pinnguaannit peersissimavagut, tipigissaatinilu tarngutinilu suli tassa inerteqqutaanngillat, Greenpeacip oqaaseqartitaa Jakob Hartmann Ritzauimut oqarpoq.

Tipigissaatit pineqartut ilaatigut tassaapput Calvin Kleinip arnanut tpigissaataa Eternity, Jean Paul Gaultierillu angutinut tipigissaasiaa Le Mâle.

Greenpeaceip oqaaseqartitaa oqarpoq phtalatit pineqartut akoorutissanik allanik uloriananngitsunik taartissaqartillugit, soorlu alkoholimik, sooq suli atorneqarnerat paasisinnaanagu.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat