Greenpeace Shellimut akerliussutsimik takutitseqqippoq

Avatangiisinik illersuiniaqatigiiffiup Greenpeacep sapaatit akunnerata naanerani Formel 1-rtoqarnerani akornusersuipput. Greenpeacermiullu ullumi Shellip Fredericiami akuiaaviani akerliussutsimik takutitsipput.
Allattoq Martine Lind Krebs, Simon Uldum
aggustip 28-at 2013 05:32

DR naapertorlugu Greenpeacermiut 36-t uuliamik akuiaavik ullaap tungaani iserterfigaat, ilaatigut pujoorfissuaq majuarfigalugu. Taakkulu ilaat qulit nannutut atisalersorsimapput.

Shellip Issittumi uuliasiorniarnera avatangiisinik illersuiniaqatigiiffiup kamaatigaa. Greenpeacermiullu akuiaavimmi Shellip ilisarnaataa maannakkorpiaq allanngortitileruttorpaat, affaa nannup kiinaa, affaalu tiaavulup kiinaa.

Ekstra Bladet naapertorlugu politiit ornigutereersimapput akerliussutsimillu takutitsineq nakkutigalugu. Akerliussutsimik takutitsisut nammineerlutik aternissaat utaqqivaat, aqqariarpata unioqqutitsillutik isertersimaneri pissutigalugu tigusariniarlugit. Nannutut atisalersorsimasut qulit Shellip siloanut kalunnernik imminut qilersorsimasut politiinit tigusarineqareerput.

Shell uuliasioqatigiiffiit Baffinip kangerliumarngani misissuisut arlallit ilagaat.

Aamma atuaruk

Politiit ullormut nalunaarusiaat: Tillinniartoqarlunilu tillinniariaraluartoqarpoq