Greenpeace sakkutuunit nakkutigeqqissaarneqarpoq
Greenpeacep umiarsuaa Esperanza sakkutuut umiarsuaannit Vædderenimit maanna nakkutigeqqissaarneqarpoq.
Allattoq Louise M. Kleemann
maajip 24-at 2011 08:18
Cairn Energyp qillerissutaa umiarsuaq Leiv Eiriksson Greenpeacep umiarsuaanit Esperanzamit aamma sakkutuut umiarsuaannit Vædderenimit malittareqqissaarneqarluni Kalaallit Nunaata kujataanut maanna killippoq.
Greenpeace aatsaat perngarluni Leiv Eirikssonimut qanillattunngilaq. Qillerissut taannarpiaq Istanbulimiit Nunatsinnukarluni apriilip qaammataani avalammat Greenpeacemit qallorfigineqarpoq.
