Assi: Anders Holt

Greenpeace: Qalasersuaq eqqaalu eqqissisimatitanngortinneqarlik

Qalasersuarmik piginnittuunissamik Danmarkip Kalaallit Nunaatalu pilersaaruteqarnerminni, Qalasersuup eqqissisimatinneqalernissaa maanngagaaq suliniutigisariaqarpaat. Qalasersuup eqqaata ilaa Kalaallit Nunaannut atasuuneranik paasisat kingulliit aallaavigalugit Danmarkip FN-imut qinnuteqaataata nassiunneqarneranut atatillugu, avatangiisit pillugit suliniaqatigiiffik, Greenpeace taama isumaqarpoq.

- Qalasersuup immikkuullarissuunera eqqarsaatigalugu tamaanilu nunap pisuussutaasa uummaatsut atorluarneqarnissaat eqqarsaatiginagit, Qalersuup siunissami paarilluarneqarnissaanik, Danmark Kalaallit Nunaallu siuttuusariaqartut neriuutigaarput, Greenpeacemi suliassanik pilersaarusiornermi pisortaagallartoq, Jon Burgwald oqarpoq.

Qalasersuup Kalaallit Nunaanut immap naqqatigut atasuuneranik paasiniaareernermi, Danmarkip Kalaallit Nunaatalu ataatsimoorullugu FN-imut qinnuteqatigaat, Qalasersuup ilarujussuata Naalagaaffeqatigiinnit akisussaaffigineqalernissaa pillugu.

AAMMA ATUARUK Issittup imartaata naqqa siunissaq pillugu ilungersuutigineqartoq

Naak aatsaat ukiut qulit missaannik qaangiuppata qinnuteqaat FN-imit aalajangiiffigineqartussaassagaluartoq, Qalasersuup qanoq atorneqarsinnaanera Naalagaaffeqatigiinnit maanngagaaq piumasarisariaqartariaqartoq, Greenpeace isumaqarpoq. Tassalu Qalasersuup eqqaatalu eqqissisimatitaalernissaamik Danmark piumasaqartariaqartoq Greenpeacekkormiut isumaqarput.

- Ukiut qulit 15-nillu qaangiuppata nunarsuatta qanoq isikkoqarnissaa maanna oqallisaavoq. Sila pillugu isumaqatigiinniartoqarpoq, tamannaannarluunniit eqqarsaatigalugu, Naalagaaffeqatigiit Qalasersuarmut pitsaasumik maanngagaaq isummerunik tamanna pitsaasumik takutitsinerussaaq, Jon Burgwald oqarpoq imalu nangilluni.

- Ukiut qulit qaangiuppata FN-illu suliaq suliarereerpagu nunat issittumut attuumassuteqartut, soorlu Rusland aamma Canada, taamanikkussamut aatsaat isumaqatigiinniarfigineqaleraluarpata tamanna nunalerngusaannermik kinguneqaannartussaavoq, Jon Burgwald oqarpoq.

AAMMA ATUARUK Issittup imartaanik piginnittuulernissamik Danmark piumasaqaateqartoq

Danmarkip Kalaallit Nunaatalu Qalersuup eqqaatalu eqqissisimatitanngortinnissaanik maannangaaq siunnersuuteqarneranni, Rusland Canadalu politikkikkut isumaqatigiinniarnissamut ersissuteqarlutik tunuartilernavianngitsut, Jon Burgwald isumaqarpoq.

- Naalagaaffeqatigiit maanna siunnersuuteqarpata, Rusland aamma Canada pinngitsaalipajaarlugit siunnersuummut isumaqataatilerneqarsinnaapput imaluunniit Qalersuup eqqissisimatinneqarnissa pillugu akerliugunik taava nunanit tamalaanit isiginerlunneqarsinnaasutut takorloorneqarsinnaapput, Greenpeacemi suliassanik pilersaarusiornermi pisortaagallartoq, Jon Burgwald oqarpoq.

Isummersuutit



Nutaarsiassaateqarpit?

Nutaarsiassaateqarpit?

1717-imut SMS-erit, UNNIA allariarlugu kingornalu oqaluttuat allallugu.

Immersuivik atorlugu allaffigitigut knr.gl/1717

Emailikkulluunniit 1717@knr.gl

KNR TV: TekstTV-mi paasissutissat

TTV q 110 Ullut tamaasa nutaarsiassat

TTV q 400 Timmisartuutinissat
aallartussat tikitussallu

TTV q 300 Tv-kkut aallakaatitassat
tulleriiarnerat

TTV q 300 radiukkut allakaatitassat
tulleriiarnerat